Ігар Вясялушка
***
Я нарадзіўся ў Беларусі,
І гэтым дужа ганаруся.
І па жыцці іду я годна,
Бо ведаю, што край мой родны
Найпрыгажэйшы, сэрцу мілы,
Сваім сынам надасьць ён сілы.
З усходу, з захаду навала
Мой родны край не шанавала.
Але народ мой не схіліўся,
І з ворагам ён сьмела біўся.
Ад тых часін мы чуем зноў:
"Не бойцеся!" – наказ дзядоў.
"Не бойцеся!" Я не баюся,
Я нарадзіўся ў Беларусі!
IX/04 –XI/06