Ігар Вясялушка
БАЦЬКАВА КАЛЫХАНКА
Сьпі, сыночак, люлі-люлі,
Пакуль дома ў матулі.
Сьпі, маленькі, ляж на бок.
Аддамо цябе ў садок.
Выхавацельніца там
Малых ставіць па кутам.
Не пакорміць цябе з лыжкі,
А прымусіць гартаць кніжкі
Без малюнкаў і без здымкаў.
Дзеці забяруць машынку,
Адламаюць у ёй калёсы –
Вось пачатак твайго лёсу,
Месца зьдзекам і пакуце.
Божы дзень стаяць у куце!
І так, сынку, ўсе жыцьцё,
(Ажно ў грудзях калацё) –
Школа, войска, інстытут...
Напакутуешся тут.
А наразе сьпі, сынок,
Хутка аддамо ў садок.
XI / 2006